محاورة شعراء النخبه

الإثنين ديسمبر 10, 2018 3:29 am

محاورة شعراء النخبه ليوم الأحد ليلة الاثنين ١٤٤٠/٤/٢هـ

الشاعر / علي @LDmx

الشاعر / ماجد @ana1112111

البحر الرمل

فاعلاتن فاعلاتن فاعلاتن فاعلاتن

(( المـــحـــاورهـ ))

مرحبا لو مرحبا ما هي شراب ولا طعامي

غير قولة مرحبا تغني لها ناسٍ كثيرهـ
ماجد الله يحفظه لا غاب كل شيّاً تمامي
وان حضر نفرح به ونرمي على شانه ذخيرهـ
⁧‎#علي⁩

والبقا لو البقا لله يا الحرّ القطامي
غير لا قلت البقا في نفس سامعها كبيرهـ
يا علي في ذمتي لاجيت ما لدّ لحزامي
لين اشوف لموقد النيران في الميدان نيرهـ
⁧‎#ماجد

والله انك لو تفتّش في القصيد وفـ الاسامي
منت لاقي غير قذلة راشد وغمزة سميرهـ
استرح في مرقبٍ عالي بلاش من الهيامي
ما يذوق الراحه الا عاقلٍ ريّح ضميرهـ
#علي

والله انك لو تميّز في الصديق من الحرامي
ما تحيب لسيرة الغمزات والضحكات سيرهـ
استرحنا لين شب القيض في روس النوامي
يا خبير القوم فتّش في ملفات الخبيرهـ
⁧‎#ماجد

قبل اميّز فـ الحلال وقبل اميّز فـ الحرامي
والله اني ما اكشف الاسرار لو حبّة شعيرهـ
غير علمني قبل لا قوم افتّش في نظامي
هو عليك اية قضية تعتبر حاجه خطيرهـ ؟
⁧‎#علي⁩

انتبه لي زين كان انك مقامك من مقامي
لا لقيت اللي يسدّ النوب ما دوّرت غيرهـ
قصتي واستكملوها الناس والمشهد درامي
يا بشير الخير مدري داعي الشرّ ونذيرهـ
⁧‎#ماجد⁩

حسب ما شوفك كريم وفي مقامات الكرامي
وان لفيت ابشر بما يرضيك للحلقه الاخيرهـ
قصتك من واجهتك وباقي الوجهات امامي
بعضهم لا تاخذ بشورهـ وصعبه تستشيرهـ
⁧‎#علي⁩

اسمع انك محترم واهديك ودي واحترامي
والبلا لو لخبطت يمناك فـ سلوك الظفيره
مرسل المرسول ما علّمك يا الطيّب علامي
قبل اسّج الرجل واتعبك من ديرهـ لـ ديرهـ
⁧‎#ماجد

ما تشوف الا مثل ما تسمع وهذا كلامي
شاعرٍ مثلك ولكن لا يجي لك منه غيرهـ
الرسايل واجدهـ والنور جلّاي الظلامي
صاحبك لاشاف برّاق الحيا يشعب بعيرهـ
⁧‎#علي⁩

ما عليك خلاف مثل النور جلّاي الظلامي
فيك طيب وفيك شرّ وفيك خير وفيك خيرهـ
بالرسايل واتهمت اثنين والموضوع حامي
يا مدورة الغنايم دوّروا عذر الكسيرهـ
⁧‎#ماجد⁩

والله انك قبل هذا اليوم مكسب لاهتمامي
لو سلمت من الهجوس اللي نواياها شريرهـ
لا تشوف الّا الكلام اللي يبصم به بهامي
يا مجمعة الحطب كلٍ بيكوى من سعيرهـ
⁧‎#علي

طال عمرك لا تروح بعيد تسلم من ملامي
والله انا ما نبي الا الستر لوجيهٍ سفيرهـ
والله اني كنت في كامل هدوي وانسجامي
لين شفت اهداف جيراني على نفس الوتيرهـ
⁧‎#ماجد⁩

اثر ماجد صاحبي شغّال في ستر الانامي
بارك الله فيك والدنيا رحاةٍ مستديرهـ
،مرنا في كل شهر ومرنا في كل عامي
منتخبنا ضايع ولو كان ماجد في ظهيره
‎#علي⁩

ماجد الهدّاف والقناص و ابعيد المرامي
بأمهات الخمس ما بين الطويله والقصيرهـ
ابشروا بالمرهـ اللي كنّها برد وسلامي
بشر اللي سلهمت عينه على شوك الحضيرهـ
⁧‎#ماجد

نقل وتدقيق مدير كبير