سليل الملوك

الإثنين ديسمبر 24, 2018 6:25 pm

شيلة سنام المجد

للشاعر : أحمد المنتشري بصوت المنشد على الطناني

البحر (البسيط) الهجيني الطويل

مستفعلن فاعلن مستفعلن فعلن

يشوش راس القصيد ويحذف اقناعه
وتزين كل القصايد في معانيها
وتطيب في مدح منهو طايل باعه
ولي عهد الوطن وشبل غاليها
أسمه يجمل سمان الهرج وسباعه
يعيش عز السعوديه ومغليها
محمد اللي سنام المجد مرباعه
والفخر والعز والأمال محييها
شبيه جده وسيف ابوه وذراعه
وناصر الجار والرؤيه وبانيها
هذا سليل الملوك اللي على الطاعه
بنوا لنا امجاد دولتنا وأمانيها
هذا ولي العهد لا دقت الساعة
يقر ميزان ميلتها ويرسيها
يقطع يدين ن على الحدان طماعه
يحمي ثرى الدار ويرسّي موانيها
زيزوم ماهاب للأحداث وشجاعه
يطوي المشاكل كما بشته يثنيها
انشهد انك سنام الفخر واضلاعه
وانشهد انك عزوم الدار وافيها
عضيد سلمان نبت الخير زرّاعه
يزبن دخليه وعدوانه يهديها
انشهد انه محنك / وافي صاعه
بالعدل قاد السفينه بأمر واليها
يا سيدي لك ولانا سمعا وطاعه
نجدد البيعه ونوكد مباديها
الشعب كله ولاء بايعك باجماعه
فتعيش ياباني الرؤية وراعيها

‎#احمد_المنتشري

نقل وتدقيق مدير كبير