منتداي ذوق
منتداي ذوق يرحب بجميع الزوار الكرام ، ويدعوكم للتسجيل والانضمام لاسرة المنتدى مع امنياتنا لكم بقضاء امتع الاوقات وشكرا.

مدير كبير

منتداي ذوق

عــــذب الكـــلام
 
الرئيسيةالرئيسية  البوابةالبوابة  الأحداثالأحداث  المنشوراتالمنشورات  بحـثبحـث  الأعضاءالأعضاء  المجموعاتالمجموعات  دخول  التسجيلالتسجيل  

شاطر | 
 

 ما في تسلطانك وشخصك جدالي

اذهب الى الأسفل 
كاتب الموضوعرسالة
مدير كبير
Admin
avatar

عدد المساهمات : 98
نقاط : 2593
السٌّمعَة : 0
تاريخ التسجيل : 31/01/2013

مُساهمةموضوع: ما في تسلطانك وشخصك جدالي    الأحد نوفمبر 26, 2017 3:41 am

قصيده تفاعل معها الامير سلطان رحمه الله وخالد الفيصل تفاعل ووقف يصفق إعجابا بها وبشاعرها بعد أن انتهى  من القائها, وهي بمناسبة رجوع الامير سلطان رحمه الله للوطن بعد رحلة علاجه ، وكان اول ظهور لشاعر الوطن مشعل الحارثي وانطلاقته من هنا في احتفال القوات المسلحة بخميس مشيط بمناسبة زيارة الامير سلطان رحمه الله لها بعد عوده لارض الوطن عندما كان الشاعر احد منسوبيها برتبة ملازم.


كبّ النّياح وفارق العش يا طير
غرد وهز الريش في كل عالي
اليوم هذا غير وأيامنا غير
والبارحه ما هي سواة الليالي
الأرض صارت في عيوني نواوير
والبدر تمّ وجا مكان الهلالي
وابها تحدت في بهاها الغنادير
فلّت جدايلها وقامت تلالي
وفي وجه خالد للفرح ألف تعبير
وحجاج فيصل فيه كل ابتهالي
من السعاده باقي شوي .. ونطير
عزّ الله ان اللي لفى الدار غالي
يا مرحبا ما غردنّ العصافير
يا مرحبا ما زاف نبت السهالي
ترحيبٍ أحلى من حليب المصاغير
وضحٍ رعت روض ربيع وخالي
باللي شكت رجله طوال المشاوير
ياطابها درب الخطر ما يبالي
قرة عيون اللي يحبون يا مير
طاريك .. والاّ الحين شفتك قبالي
ياما حسبت الوقت حسب الدنانير
اسامر نجوم الثريا لحالي
مبطي وانا اسمع فيك وصف البياطير
واليوم جالي في القصيده مجالي
يا سيدي ما للقوافي معاذير
عن البيوت الوافيات الجزالي
من لا جعل للمدح قيمه وتقدير
ما ضنتي يلفت ذهون الرجالي
وانت الذي معك السحاب المزابير
تمشي ويتبعك الحيا والخيالي
وانت الذي بأسمك تباح الأسارير
ومثلك له اسمـاءً عراضًا طوالي
سلطان يا سلطان من يومك صغير
ما في تسلطانك وشخصك جدالي
كانوا ولا زالوا  يسمونك الخير
ويا كثر الاسمى اللي تزاحم فبالي
كريم سبل إلاّ زبون المخاسير
طلق الحجاج إلاّ بعيد المدى لي
درع البلاد إلاّ طويل الاشابير
أبو اليتيم  إلاّ عشيق المعالي
لا .. لا والله ابن مسطر المجد تسطير
على حصى الأرض ونفود الرمالي
واخو فهد ذروة سنام المشاهير
صفوة ملوك الارض باول وتالي
فهد ولا قلنا فهد جاوب النير
تهتز لـ اسمه راسيات الجبالي
زعيمنا اللي للعُلا واصل السير
حتى تعلّينا على كل عالي
ما للطموح بوسط راسه معايير
ولا للعَوَج عنده ياكود اعتدالي
اليا زعل تزعل موك وجماهير
وليا رضى ينهى جميع الجدالي
ما يشبه غير الثنين المناعير
انته .. وابو متعب كريم السبالي
عبد الله اللي فيه من سالم الزير
خطل اليمين الليث حام التوالي
سقم العدو اليا هرج دون تفكير
رده على العدوان جاهز وحالي
نفخر بكم .. وإلّا القصايد تعابير
يا شيوخ نجد الشعب كله موالي
والله لو فيكم عن الملك تقصير
ما خصكم ربي عظيم الجلالي
منا وفينا ما لفيتو مداوير
حكامنا وقت الدهور الهزالي
ورث الجدود من الليال المعاسير
قبل القصور وقبل صرف الريالي
هاك الزمان سلاحنا حملة بعير
ومن يومها متوثّقين الحبالي
منهاجنا واضح ولا فيه تغير
نموت ما نرضى عليه البدالي
ما استعمرونا اللي غذاهم خنازير
تشهد لنا شهب السنين الخوالي
من قبل عاشر جد ابو زيد وعمير
ما هي ثلاث شهور .. وإلّا حوالي
واليوم في وقت الرخا والتياسير
شفنا العجب لا والله إلاّ الهبالي
يا كثر ما قامت تسوق المقادير
ويا شيب عيني لا ذكرت وطرالي
المسجد اللي هزه أصوات تفجير
في حزة فيها يجاب السوالي
والمسلم اللي ذِبْح من دون تبرير
ودمّ الرضيع اللي على الوجه سالي
بنشدك يا مكفّر هل الدين تكفير
وش حكم ذَبْح المسلمين العزالي ؟
تدبّر القرآن !! والهدي تدبير
واخذ الجواب بصيغته والكمالي
فضحكم الله يا لوجيه المغابير
يا طغمة التخريب والإنحلالي
واللي على الفتنه تدق المزامير
نَعْرف مطامعهم على كل حالي
ونْعَرف من يدفع رسوم الفواتير
يا الحيّه اللي جحرها الإحتلالي
لنحورهم حنّا سواة الازارير
حنّا حماة الدين يا اهل الظلالي
الأرض نزرعها رماح ومسامير
يحرم عليهم وطيها بالنعالي
ديارنا ما هي بكابل وكشمير
وا هُملالي صدق .. وا هُملالي
حامينها الاجداد عجّ ومعاصير
بسيوفهم على ظهور الجمالي
واليوم يا سلطان شفهم طوابير
ملّو من المجلاس تحت الضلالي
يبون يومٍ فيه للحق تكبير
عن الكلام تبان فيه الفعالي
يا سيدي قل وش تبي بس ؟ ويصير
حدد هدف لو هو عسير المنالـي
فالجوّ نفاثه .. وفالقاع جنزير
وان مت هاك اليوم من طيب فالي
هذا وطنّا ما سكناه تهجير
الجيش واحد ما جمعنا الحثالي
لو ينتخي عرعر تلبيه خرخير
تلّ الجنوب يصير جنب الشمالي
لا يا وطن لا تحسب إنّا مدابير
لو الدهر في بعض الاحيان مالي
طالبك لا تجفل من الوقت وتذير
وكَّل ابناك .. وبالله الاتكالي
وان كان ما شفت السعد والتباشير
عيبٍ علينا لبسنا للبدالي
نذراً علّي لحرسك وافديك واغير
ديني وعرضي فيك واغلى حلالي
واللي يأثر فيك بيّات تاثير
ابرى مَنَه لو كان عمي وخالي
وان مت واخذتني صروف المقادير
والله لوصّي فيك حتى عيالي

الشاعر : مشعل محماس الحارثي

نقل وتدقيق : مدير كبير



عدل سابقا من قبل مدير كبير في السبت ديسمبر 02, 2017 2:00 am عدل 10 مرات (السبب : تدقيق)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mntday.rigala.net
 
ما في تسلطانك وشخصك جدالي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتداي ذوق :: مدونات شعريه :: خاص بـ قصائد الشاعر مشعل الحارثي شاعر الوطن-
انتقل الى: