حلم عابر
الجمعة أغسطس 21, 2020 3:41 pm
(حلم عابر)
بحر المسحوب
مستفعلن مستفعلن فاعلاتن
يــا مـرحـبا بـأهـل الـشـعر إيــه خـابر
يـامـن عـلـى عــذب الـمـعاني تـغـنّون
جـــدودنــا شـــعّــار مــيــر الـمـحـابـر
مــا قـيّـدت شـيًّـا مــن الـلـي يـقولون
ياما وقـفـت (بـشـعب ضـامي) اسـابر
فـي حـال هالدنيا وعن وضع هالكون
مـتـحـمس وكــلـي طــمـوح ومـثـابـر
واحـلـم بـمـجد وجـاه لابـــة يـعـينون
لــكـن هــذا الـحــــال يـا حـلـم عـابر
اصـبـحـت لـلـواقع مـقـيّد ومـسـجون
يـاكـسـريَ الــلـي مـالـقا الـيـوم جـابـر
ويـاهـميَ الـلي صـاير الـيوم مـبطون
مــاشــيًّـا بــراســي عـظـيـمًـا وكــابــر
الّا قــبـيـلـتـنـا مـــثـــل مــاتــعـرفـون
مــا لـلـقـبيلـة صـــوت يــعـلا الـمـنابر
وعـلـومٍ تـنـومس واهـلـها يـشـوشون
الــحــال يــرثــا لــــه وحــنــا نــكـابـر
مـبـطـي وجـيـران الـقـبـيلـه يــعـزّون
وفـيـقـدنـا لاهـــوب وســـط الـمـقـابر
ولا هوب عايش ضمن منهم يعيشون
صلاحيات هذا المنتدى:
لاتستطيع الرد على المواضيع في هذا المنتدى