الرئيسية
البوابة
اليومية
الأحداث
المنشورات
مكتبة الصور
س .و .ج
بحـث
دخول
التسجيل
مدير كبيرAdmin- عدد المساهمات : 172
نقاط : 4807
السٌّمعَة : -1
تاريخ التسجيل : 31/01/2013 
البارحه
الجمعة أغسطس 03, 2018 6:51 pm
( البـارحــه )
البحر الرجز ( الحذاء )
مستفعلن مستفعلن مستفعلن مستفعلن
الـبـارحه يـا لـيل صـدري مـا يـجرّيه أحـتمال
ولا الـنـفوس الـمـخطيه تـجزا بـسوء أعـمالها
لـديت عـيني من يمين وطاحت الدمعه شمال
يــا كـوي قـلبي يـالدموع الـلي كـواني جـالها
الـعافيه والـضحك مـاهي تـستَرد بـراس مـال
لـــو الــعـرب قَــلـة سـعـادتـها وزايــد مـالـها
وشـلون اوسّـع خـاطري وانـا حـياتي بالخيال
مــا شـفـت فـيـها مـايـسر ولا يـظـلّ ظـلالـها
جـمرة قـصيدي فـوقها تـطبخ مـباهير الـدلال
مــا جـالها الـطرقي ولا تـبغى الـعرب فـنجالها
سـريت مـن بـين الـسلام وسـط ميدان القتال
ارجـد دمـوعي بـالبكاء والـيا انـتبهت أشـتالها
عـدّيت هـامة ضـلع واقـف بـالفراق وبالوصال
أفـــارق الـلـي تـسـتحق ولا يـجـوز اوصـالـها
رقمي على المشغول لا جاني من الناس اتصال
ابـعـد عــن هـمـومٍ عـلى قـلبي تـبث أرسـالها
بـدلت حـالي بـالحلال وحـلّ دون الـحال حال
وجـروح صـدري كـل يوم اقول وش هو حالها
حـزين لـكن مبتسم مدري ذكا !! مدري هبال !!
يــا حــظّ بـعض الـناس بـالدجه وكـثر هـبالها
صديت عن جوّ السوالف واقتنعت من السؤال
وضـحت اجـابة خـاطري وازريت اعيد سؤالها
مــا بـيـن كـثـر الـحلم ولا بـين كـثر الانـفعال
خــلّ الـعـرب تـلقى جـزاها لـو تـشين افـعالها
مــا هــزّ صـدري جـية الـغالي ولا قـولة تـعال
الـلـي ذبـحـني دمــع عـيـنٍ مـعـتلي مـنـزالها
تمت تحرير القصيده
يوم الأربعاء الموافق ١٩ ذي الحجة سنة ١٤٣٩هـ
نقل وتدقيق مدير كبير
صلاحيات هذا المنتدى:
لاتستطيع الرد على المواضيع في هذا المنتدى