مجاراة قصيدة نويت الرحيل لـ سليمان الشاردي

مجاراة قصيدة (نويت الرحيل) لـ سليمان الشاردي 

الشاعر : شاعر بن شاعر
بحر ( المنكوس ) 
فعولن مفاعيلن فعولن مفاعيلن 
‏هلا بالسلام ومن يجيبه ومن وداه
ولا مرحبا بالحب كله ومشروعه
يسرّينيَ الهوجاس ويزين لي مسراه
والافكار فزعه كل ما يزهم افزوعه
قرينا الكلام اللي عن ( الشاردي ) نقراه
ي كثر القلوب اللي بوجعاه موجوعه
نصيبك من الله يابن آدم  تبى تلقاه
نصيب البنآدم ما يجي له على طوعه
لكن الهوى والحب من يعتلي مبناه
يعذّل على عينه ليا طاح بدموعه
خلي المحبه كل ليل الكرى يهناه
وانا ماهتني وفلان نومه على كوعه
تبون الكلام اللي على حالنا قلناه
عسى شجرة الفرقا من الارض مقلوعه
من الحب واسبابه وظرفه ومن بلواه
ومن ونتةٍ في ثومة القلب متبوعه
ي وجدي على حالٍ نحل وانبرى وجداه
وجود الصويب اللي مخلينه ربوعه

#شاعر_بن_شاعر
@hsaer01



نقل وتدقيق مدير كبير