يا ماضيٍ راح

الإثنين يناير 21, 2019 3:53 am

( يـا مــاضــيٍ راح )

البحر المسحوب

مستفعلن مستفعلن فاعلاتن

الـبارحه مـع غـيبة الـشمس الارياح

بــردٍ هـواهـا ايـطلّع الـثلج مـن مـاه

دفّـيت عـنها الروح مع ليل الاشباح

بــروابـعٍ تـــدوِي بـفـكري وتـنـحاه

وين الـنّديم الـلي زها الكيف لا فاح؟

ويـن انـت يـامشكاي زبـن الـمخلّاه؟

يا حسين يـا زبـن الـمجنّى ليا صاح

والـنـوم فـارق مـوق عينه ولا جـاه

انـا اشـهد انّـه لا وصـل عندك ارتاح

فـي ظـلّ هـيبة راعي البيت واحماه

دونـه بـما عـندك مـن رجال وسلاح

الــيـا تـعـذّر حـلّـها الـمـال والـجـاه

مـاهي فزوع منطّح الصوت بصياح

الــلـي يـــدور فـزعـةٍ مــن دنـايـاه

الله يــا بــن سـعود يـا مـاضيٍ راح

لــو مـالحقنا الا عـلى الـدّلو ورشـاه

الـيـا ذكـرتـه كـنّـي بــراس لــولاح

اغـيْـب مــع طـاريـه غـيْبة مـهاواه

جـدّانـا عـاشـوه مَـضـوى ومـسراح

ولـقـوبـه الـلـي يا حـزامي فـقـدناه

الـيـا امـتـلك رجّـالهم بـيت وامـراح

وكـيفٍ يـقهوي مـنه ضـيفه ليا جاه

عــن بـاقـي الـدنـيا غـنـيٍ وصـفّاح

يـقـنع بـمـا عـنده ومـا ضـاع يـلقاه

يــدرا قـصـيره نـوب حـيله ومـزّاح

لـجـل يـجـيه بحـاجةٍ له ومـقـضاه

ولو شدّ عنه من الخطأ الجار وانزاح

يـتـعب ركـابـه لـلظفر فـيه ورضـاه

قـلوب النوايا البيض ونفوسٍ سماح

الله يـجـازيـها عــلـى مـــا تـمـنـاه

عـلى الـرعد يـردون والوبل ما طاح

والـيـا انـكـفوا كــلٍ رويّــه مـمـلّاه

انـفوسهم لـبست مـن الـعزه وشـاح

مـثل الـمعم الـلي على الروس تثناه

أهَـل مـجاهيمٍ طُـوت بـيد الافـياح

كــم طـامـعٍ فـيـها نـواعـيه تـنـعاه

حـامـينها بـمـزارقَ الـشـلف ورمـاح

وتـرعـى بـقـفرٍ والـبـداوين تـحـماه

وقـت الـقسا كـلٍ عـلى الـزند قداح

دافــع حـمـوّه مــا يـبـي له مـجـازاه

عـلى الـعدا سـمٍ عـلى الكبد وذحاح

عــلـمٍ ثــبـاتٍ مـايـبا شــارة رمــاه

يـتْعب بـشرحه كـل كـاتب وشـرّاح

ويـلـقابه الـعـاقل تـجـارب ومـنجاه

والـيوم يـا مـشكاي حـتى بـالافراح

يـغـيـب مـا عـنـهم رووه وسـمـعناه

تـبـدّلـت بـالـمال وسـهـوم الاربــاح

ودنـيـا الـمظاهر والـمذاهب مـغطاه

احــدٍ يـقـول : الـسـدّ لـلناس مـنباح

واحــدٍ يـسـايرها عـلـى مـا تـرجّاه

مــا اعــمّ خـلـق الله ولانـي بـلمّاح

لــكـن عــزانـا فـيـه يـا مـير ذكــراه

أعــدّهـا وانــا عـلـى الـبـير مـيّـاح

بـشـاية عـزيـزٍ لا نـضـب بـيرٍ ارواه

قـلـته وقـولـي بـيـن قــاري ونـقاح

ولا قـلـت قـولـي والـدلـيل يـتعداه

تـميتها عـقب انـجلى لـيل الاشـباح

مـن هـاجسٍ يـاخذ مـن الفكر معناه

وصـــلاة ربــي عــدّ ورقٍ ومـا نـاح

عـلـى الـنـبي اعــداد حـرفٍ كـتبناه

#راس_قمه

@Alsh3ifany1

نقل وتدقيق مدير كبير

تقبلوا تحياتي

سليمان الشاردي