حداني

الإثنين مارس 11, 2019 3:41 am

( حـــــــــدانــي ‏)
بحر الطويل ويسمى فالنبطي بـ المنكوس
فعولن مفاعيلن فعولن مفاعيلن
حـدانـي عـلى الـموال والـشعر والـجوال
هــجـوسٍ تـصـبـحني ومـــره تـمـسيني
لـها فـي صـميم الـقلب فـالٍ قـفاه عـقال
ولـها جـرّ صـوت ودمـعةٍ جـرحت عـيني
اودّعْــك يـا خـالي عـقب صـبة الـفنجال
ابــسـري عــلـى هـــمٍ قـديـمٍ مـسـريني
وابـسـهر مـعـاه الـلـيل واجــر لـه مـوال
واعــظّ الـنـواجذ بـيـن وحـده وثـنتيني
تـندّمت يـا صـعب الـندم يا عريب الخال
وش الـلي مـن جـروح الـندم عاد يبريني
تـركت الـعقل وامسيت مع جمعة الجهال
ونـسـناس يـقـتلني ونـسـناس يـحـييني
يـجيني مـن الـعالم ذهول وقلق واجفال
ولا عــاد بــه شــيٍ مـن الـناس يـغريني
حـمـولي ثـقـال وشـلـتها والـمتون ثـقال
م شـالـت مـثل شـيلي ظـهور الـبعاريني
ولـكـنّ جـبـت الـزلـه الـلـي مـهي تـنقال
ومــــرات تـضـحـكـني ومـــرٍ تـبـكـيّني
انــا شـمـعة الـغاوين فـالليل لامـن طـال
وحـسبي عـلى الـغاوي مـعه لـيه يغويني
ضحك لي بوجهه هب يا ضحكة المحتال
انـا عـن حـيَلهم يـا عـرب ويـش يدريني
عـليّ ذمه ان قد لي مع الضيق عشر ليال
هـواجـيس مــع درب الـسـهارى تـوديني
وانـا البارحه ما نمت و ارسل مية مرسال
وعــادت مـيـة مـرسال فـالضلع تـكويني
تـخـيب الـهـقاوي ويـتوجد وسـيع الـبال
وجـودي وجـودي مـير مـا عـاد يـمديني
انــا والله ان حـالـي تـردى ولا هـو حـال
يـا خـوفي بـعد يـومين يـا خـال تبكيني
#ساره_الحربي
الاحـــــــــــــــــــــــــــــد ٣/ ٧ /١٤٤٠ه‍ـ
bounce

تقبلوا تحياتي

نقل وتدقيق مدير كبير