سلام ي المملكة

الإثنين مارس 18, 2019 9:16 am

ســـلام يـالـمـمـلـكة

الهجيني الطويل

مستفعلن فاعلن مستفعلن فاعلن

يــمـنـاي ســمّـي بــذكـر مـعـلّـمك بـالـقـلم

بـسـم الله أكـبـر وخـطـي مـطـلع أبـيـاتها

فـكـي عـنـان الـقصيدة مـثل فـك الـسهم

حـتـى ان بـعـض الـعـيون تـطـيّر سـبـاتها

مـثـل الـسلاح الـمخلص لـلعدى مـن قـدم

الـشـعر عــان الـصـحابه فــي انـتـصاراتها

ومـا دام جـاله مـجال وجـيت بـه محتزم

عــيـبٍ عــلـى كـلـمـةٍ مـــا اقـــدّم ثـبـاتـها

ســـلام يـالـمـملكة قـائـد وشـعـب وعـلـم

ســـــلام يـالـمـمـلـكة يــــا كــــل قــواتـهـا

ســـلام يـالـمـملكة يـــا دار حـــجّ وحــرم

ســــلام يـالـمـمـلكة يــــا ظــــل رايــاتـهـا

عـلـى الـشـرف والـمـعزه والـفخر والـكرم

نــهــار عــيــد الـضـحـيـه فــــي كـنـفـاتها

يـــا مـرحـبـا بـالـمـشاعر والـمـقام الـفـخم

اعـــداد مـــا تــرمـي الـشـيطان جـمـراتها

الـلي يـجي مـحترم بـيروح وهـو محترم

والـلـي يـبـي يـلـتطم مــا هــو بـسـاحاتها

كـم مـن شـعوبٍ عـليها الـجور زاد وظـلم

ولا تـــمـــثــل عــقــائــدهـا حــكــومـاتـهـا

هــنـا الـعـباده مـكـان وبـيـت مــا يـنـهدم

وهــنـا الـسـياده زمــانٍ عــاش حـضـراتها

واسـلـم وسـلم عـلى يـمنى مـليك الـحزم

يـمـنٍى تـشـتت صـفـوف عــداه هـومـاتها

ســلـة ولـــي الـعـهـد ولـــي عــهـد الـعـزم

وأخـــوان نـــوره مـــع أيـمـنها ويـسـراتها

سـلـمان بـين الـمتون الـراس فـوق الـقمم

وسـيـفـه عــلـى كــفـه وكـوعـه بـمـركاتها

يــــا قــائـد الأمـــه الـمـقـدام يـالـمـعتصم

مـــن غــيـرك الـلـي يـلـبي يــوم فـزعـاتها

أنــت الإمــام الـمـقدّى وانـت راس الـهرم

وانـــت الـمـلـيك الـمـفدى فــي زعـامـاتها

سـلـمان، عـبد الـعزيز الـلي عـطاك الـحكم

والله عــطــانـا مـــعــزي خــيــر مــداتـهـا

اضـرب بـسيف الـشريعه من تقص العظم

الـمـمـلـكه كــــل ابــونـا رهـــن اشـاراتـهـا

أكـبـر شــرف يـومـنا فـيـها جـنود وخـدم

لـضـيوف بـيـت الله وفـي طـوع قـاداتها

دون الـحـدود الـجـنود مـبـرهنين الـقسم

حـمـاتـنا فـــي حــمـا الـمـيقاف وحـمـاتها

لــكـل مـنـهـم مــن الـتـقدير حـبـة خـشـم

ولــكـل مـنـهـم شـهـيـد اطـيـب كـرامـاتها

يـــا سـيـدي والله انــا فــي نـهـار الـزحـم

نـثـني الـركـب مــا تـزحـزح دون وقـفاتها

مـعنا عـشان الـذهيب الـلي عـليه الـوسم

قــيــدٍ يــخـل الـهـديـر يـجـيـك بـرغـاتـها

روس الخليج العرب ما هم بروس العجم

بــالـحـال والــمـال والــجـاه وسـيـاسـاتها

لــو كـان يـالفارسي مـا انـت بـند وخـصم

غــيـرك خــصـومٍ دعـسـنا فــوق هـامـاتها

تـرمي ريـاض الـكرامه عـقب رمي الحرم

مـــا تــدري إن الـريـاض جــدار حـرمـاتها

قـنـابلك يــا تـبـع طـهـران طـاحـت فـحم

والـعـاصـمـه طـيـبـتـنا طــابــت اوقـاتـهـا

عـلـيك مـنـها غـضـب ربــي سـعـيرٍ حـمم

تـقـتـص مـنـهـا ضــفـاف الـنـيل وفـراتـها

وعـلـى الـيـمن مــا تـشم ولا تـخم الـنسم

هـيـهـاتـها يــــا ذنـــب طــهـران هـيـهـاتها

مـــا ودنـــا فـــي مـقـامٍ مـثـل هــذا نــذم

لـــو الـذمـيـمه تــفـوح ونــعـرف جـهـاتـها

الـمـعـتـدي مــنـهـزم والــمـرتـدي مـنـهـزم

ولا تــجـيـب الـغـنـايـم كــشـف عـوراتـهـا

مــا دامـهـا وقـعـت بـيـن الـعـظم والـلحم

لا بــــد يــــومٍ تــصــف الــحــرب نـيـاتـها

وعــاداتــنـا لا نــصـرنـا الله مــــا نـنـتـقـم

ذا ديـــــن أهــلــنـا ومــاضـيـنٍ بـعـاداتـهـا

يـا مـا سـمعنا صـفوف الـعرب مـا تـنقسم

والـمـسـلمين الـــذي خــاضـوا فـتـوحاتها

يـــا أمـــةٍ مـصـطـفيها الله بـخـيـر الـكـلم

والـطـق فــي راسـهـا والـجـلد فــي ذاتـها

قـامـت تـقـاسم ثـراهـا مــن بـلاهـا الأمـم

والــكــل يــرمــي عــلـى بــلـواه بـلـواتـها

هـــذا امـتـحانٍ مــن الله بـالـنعم والـنـقم

عــلــى سـبـيـل الـمـذاهـب واخـتـلافـاتها

والا خـيـانـة وجــيـهٍ مــا تـحـفظ الـذمـم

شــاهـت مـــن وجـيـهها الـغـبرا عـلامـاتها

يـالادمـي خــذ مـن الـدنيا دروس وحـكم

لا تـلـحـق الـنـفس حـمـلٍ فــوق طـاقـاتها

ولا تــغـرك وجــيـه الـبـعـض لـــو تـبـتسم

تــــرى ابـتـسـامـاتها عــكـس انـطـبـاعاتها

والـديـره الـلي يـجي مـنها الـوبا والـوهم

جــنــب طــرقـهـا ولا تــهـبـط مـطـاراتـهـا

وان كـان لـك بـندقٍ يـوم الـوغى مـا تـزم

احـــفــظ فـشـقـهـا وجــودهــا لـحـزاتـهـا

لا تـلـتـزم مـــع رجــالٍ مــا تـعـرف الـلـزم

عــلـيـك بــالـلـي ورا الـهـقـوات هـقـواتـها

اهـل الـعهد والـوفا واهـل الـشيم والـقيم

واهــل الـسـلام وهــل الـحرب ورجـالاتها

مـع مـثلهم شـيد جـسور الـوصل والتحم

وثـــــق بـــربــك عــلاقــتـك وعـلاقـاتـهـا

درب الـعـلى فــز لـه مـن حلـو نـومك وقـم

فـــي لـيـلـةٍ ذيـبـهـا ســرحـان مـــا بـاتـهـا

ارسـم طـريقك عـلى درب الـمعالي رسـم

وبــعـيـنـك تــحـقـق الاحــــلام رؤيــاتـهـا

مــا عــاد هــذا زمـان ابـشر وحـاضر وتـم

هـــذا زمـــان احــتـرم نـفـسك وقـدراتـها

ومـن يـحتزم فـي هل العوجا براسه سلم

حـكـامنا الـلـي رضــى الله ثــم مـرضـاتها

يـالـمعتدي بـتـخدم والـلـي مـعك بـيخدم

واخـــوان نــوره مـلـوك الـعـرب ودهـاتـها

فـي ظـل سـلمان سـلمان الـعدل والـحكم

وولـــي عــهـده مـحـمـد ســيـد سـاداتـهـا

صـلوا عـلى مـحمد الـمختار عـطر الاسـم

هــــو خــاتــم الأنـبـيـاء وخــاتـم ابـيـاتـها

شاعر الوطن

#مشعل_بن_محماس

تقبلوا تحياتي

نقل وتدقيق مدير كبير