الضيقه اللي

الأربعاء مايو 15, 2019 10:59 pm

الـضـيـقة الــلـي

المسحوب

مستفعلن مستفعلن فاعلاتن

الـضـيـقة الــلـي دايـــمٍ تــالـي عـصـيـر

وش حــيـلـتـي وأردهـــــا لا تــجـيـنـي

لا طـال ظـل الـعود حـزة عـشى الـطير

كـنـها عـلـى سـجـن الـحـديد تـحـديني

يــضـيـق صــــدري كــــل مــــا جــــات

وأسـير ولايـخفف سـوج رجلي حنيني

لا حـولـنـا مــشـراف ولا اقـــدر اطــيـر

يالله قـــمــســة خـــيـــر لا تـبـتـلـيـنـي

وعـقـارب الـسـاعة تـوقـف عــن الـسير

ولاكــن فــي الـدوحـة سـواتي حـزيني

والـعـبره الـلـي تـاصـل الـحـلق وتـحير

يـــا قـربـها لــو قـيـل لــي يــا عـويـني

أمـــل شـــوف الــنـاس ورد ومـصـادير

والـلـي يـقـول اشـفـيك كـنـه يـهجيني

يـعني عـلى مـا قـيل مـن بـاب تـصوير

(لاحـــدٍ أبــي قـربـه ولا أحــدٍ يـبـيني)

أروح أدور خــــــط مـــابـــه دواويـــــر

وأدور الــــلـــي هـــادهـــا تــهـتـديـنـي

وآخــذ مــع الـهـاجوس سـجـة وتـفكير

وأراجـــع الــلـي فـــات بـيـنـي وبـيـني

وأحـــســب ذنــوبــي وأدور الـتـكـفـير

عــسـاي مـــا قــصـرت فـــي والـديـني

وعـسـاي مــا قـارنـت مـن يـنفخ الـكير

والـلـي يـحـمل الـمـسك جـعـله قـريني

ويطري علي يوم الحشر وأطلب مجير

مــا أعـطى كـتابي فـي شـقيقة يـميني

ويـطـري عـلـي صـدقـان كـثـر الـدنانير

الـــلــي اتــعـاديـنـي إلا كـــثــر ديــنــي

وراعـي الـهروج الـلي سـوات المناشير

أصـــــد عـــنــه وأدري انــــه يـعـنـيـني

الله حـسـيـبه يـــوم عـــرض الـقـواوير

والله حـسـبـي مـــن صـــواب مـكـيني

وإلا طــرالــي واحــــد كــانــه اصـغـيـر

أم أصـــغـــر بــيــومـيـن ولا ســنـيـنـي

دريـــت وش قـومـي وعـيـنت تـفـسير

لـلـضـيقة الــلـي مـــن زمـــن تـعـتليني

حـبـه بـصـدري سـالـفة ســر فــي بـيـر

وكــــن الــفــواد يــقـول هـــذا زبـيـنـي

أشـفق عـلى عـلمٍ يـجي مـنه مـن غـير

لا يـسـمـع الــلـي سـولـفوا بــه ونـيـني

يــا كـثـرهم غـيـرهم ولـكـن خـبر خـير

مــا غـيـر شـوفه فـي الـوجود يـهنيني

رايـــي كـــذا يـــا عـاشـقـين الـغـنـادير

مــالـه عــلـى وجــه الـبـسيطه وزيـنـي

الـعـام أجـيـهم مــن حـسـاب الـمسايير

والــيـوم حـــال عــداي ويـنـه وويـنـي

خــطـاي تـعـليق الأمــل فــي الـمـدابير

الــيــن راح وشــفــت حــقـري بـعـيـني

صــبـرٍ جـمـيـل وخــابـر إنـــه مـقـاديـر

والله عــلـى تـخـفيف حـزنـي عـويـني

ذي حـالتي لـين اتـغبا الـشمس واصـير

مـعـطى سـراحـي عـقب مـانا سـجيني

واذا امـتـلى جـوف الـشجر بـالعصافير

طــلـبـت مــــن رب الــعـبـاد يـهـديـنـي

يـعـتقني الـمـذن عـقـب ضـيقة عـصير

الـلـي عـلـى سـجـن الـفـراق اتـحـديني

#محمد_بن_فطيس

........................

نقل وتدقيق مدير كبير

تقبلوا تحياتي