محاوره بين عمر و الصين

مدير كبير كتب:

محاوره شعرية جمعت بين
الشاعر/ عمر السيل والشاعر/ سليمان الصين

بتاريخ ١٨ / ٩ / ١٤٤١هـ -  11 مايو202‪0 
بحر المسحوب
مستفعلن مستفعلن فاعلاتن

تامر وتنهي بالعرب وأنت صيني

من ديرة اللي يأكلون الخفافيش

عمر السيل

________

اسمع .. وهذا العلم بينك وبيني

المنصب العالي يبي زود بخشيش

سليمان الصين

________

صاحب معالي يشرب الشاي كيني

قمة تواضع للشعوب الدراويش

عمر السيل

________

مدري انت تمدحني او انت اتهجيني

لكن على كل حال تامر على ويش؟

سليمان الصين

________

سليمان أنا من (حبك) أفديك عيني

لا يزعجك مزحي وتقفل على الشيش

عمر السيل

________

وانته بعد غالي  .. وقدرك ثميني

وش رايكم جمعة فطور وعلى حنيش؟

سليمان الصين

________

تعوذت  بالله  من  شماتتك  فيني

ودك يقولون العرب عاد للطيش 

عمر السيل

________

أبشر بعد ( حسينه ) وضعك يزيني

باحطك الريّس على بنقلاديش... 

سليمان الصين

________

ما ني  بعدّي  زلتك  يا حصيني

لفيت ذيلك ياسليمان ابو الريش 

عمر السيل

________

صم يابن خالي لا اجيك وتجيني

اخاف نفطر قبل يذن بلا عيش

سليمان الصين

________

المصدر قروب شعراء بني شارد