الرئيسية
البوابة
اليومية
الأحداث
المنشورات
مكتبة الصور
س .و .ج
بحـث
دخول
التسجيل
1 نتيجة بحث عن عبد_الودهي
- في الثلاثاء ديسمبر 18, 2018 9:04 pm
- ابحث في: خاص بـ سليمان الشاردي
- موضوع: قد لي ثلاث ايّام ( مجاراة )
- المساهمات: 0
- مشاهدة: 451
قد لي ثلاث ايّام ( مجاراة )
تشرفت بكم جميعا وبمجاراتكم
اعتذر من أصحاب المشاركات الغير موزونه
البحر ( المسحوب )
مستفعلن مستفعلن فاعلاتن
ابـيــات الـمـجــاراة
قد لي ثلاث ايام يا ناس سهران
مدري !! علام النوم عيّا يجيني
اروح وارجع تايه الفكر حيران
ما غير افاخت من يسار ويميني
والمضحك المبكي من الواقع الآن
ادوّر الأشياء وهي في يديني!!
______________
الابيات المشاركة في المجاراة
______________
1
الوضع واضح للعرب يا سليمان
سهران من كثر الوله والحنيني
لكن تمسك بالصبر ياكحيلان
وندعي على بلواك ربي يعيني
ترا الزمن ماهو موقف على انسان
لو انه اغلى من نظر نون عيني
______________
2
العشق طعمه سم لاصرت عشقان
وان كنت عاشق روح لا تبتليني
اشوف بيته سجن من غير بيبان
ف البرد ارقف منه ويندى جبيني
والي بقى من سيرته ياسليمان
يلعب على المسحوب لعب الهجيني
______________
3
الوضع هذا دارج بكل انسان
حتى صغير السن شفته بعيني
لا تاه قلبك مايفيدن الاعيان
هذى مثل دارج وظنه يقيني
لكن !! ياسليمان ! أغديك هويان ؟
ترى الهوى شره وخيره يبيني !!
______________
4
ها ذي علامات الكبر ..ياسليمان
سوي رياضه وعْضلاتك. تليني
شوف النوادي ماليه كل الاركان
سجل بإحداها اذا انك فطيني
تتنشط الأعضاء والذاكرة تصان
والنوم ياتيلك سريعاً وزيني
______________
5
وشلون من يسهر على طول مرضان ؟
ماغمضت عينه ولا له عويني
حتى المسكّن نفعته نوب واحيان
من شدّة اوجاعه كلامه ونيني
عسا الذي انزل تبارك والإنسان
ينزل عليه العافيه واليقيني
#مسك
______________
6
الله يرحم حالك وحال من كان
وعزي لمن مثلك يجر الونيني
النوم يجفي العين لا صرت مرضان
والا من مفارق عزيز وحزيني
يدق هوجاس السهر بين الاعيان
ويذكرك وقتاً مضى من سنيني
______________
7
ترى السَّهَر ما هوب صحه للابدان
ولا تشتكي مما شكت منه عيني
حِيرٓتك هذي حٓيَّرَت كل ولهان
وملامح العاشق بنظره تبيني
غٓيِّر برستيج السَّهَر قدر الامكان
ولملم شتات اللي مضى من سنيني
______________
8
يا مدوّر الحاجه وهي بين الأعيان
وش لك من اللي بالحنايا دفيني
كانك ثلاث ايام تسهر ومشتان
أنا شهور !! تحايل النوم عيني
وان كان تجهل ليه تسهر وبلشان
ليتي جهلت المشكله في يقيني
فـ غياب من حبه لو أخفيته يبان
وادري معادهـ راجعٍ لو يبيني!!
______________
9
ياللي شكيت الهم السهْر عنوان
وتقول جـور الوقت بـيّـح كنيني
اذكر إلـٰه الكون في كل الاحيان
وادعي على الظلّام والحاسديني
وخذ فرصتك والعمر رحله وميدان
مابين طيش وبين عـقـلٍ رزيني
سج القدم لاصرت بالوضع بلشان
الله مـوسّـعـها علـى الـعالمـينـي
والدار من عقب المطر جوها زان
ممشن بها ينسيك همَّ السنيتي
______________
10
يقولون في الأمثال والنوم سلطان
ما عاد هو يأمر على العاشقيني
يا صاحبي خذ الخبر دون إعلان
مني وأنا لك عون وانته عويني
طاري السفر يخلّي القلب طربان
ويزيح عن خاطرك همَّ السنيني
______________
11
ماني بشاكي همَّ قلبي على انسان
لو ( السهر ) ربّع وقيّض بعيني
دام الحكي والصمت في كف ميزان
رجّحت صمتي عن فرح شامتيني
ياخف همَّ القلب لو وزنه اطنان
ويا ثقل كلمه في شماته تجيني
______________
12
مبطي وقلبي بالهواجيس بلشان
لكنْ محد يسمع بكايّ وْ ونيني
ما نيب متشرّهـ ولا نيب عتبان
الله على جور الليالي عَويني
يالشاردي في ذمتي بعض الاحيان
انشد عن أسمي وأهليّ وْ والديني
______________
13
يالشاردي معذور من قلب ولسان
مرفوع عنك اللوم والله يعيني
الوضع متغيّر ما هو مثل ما كان
واللي نشوفه يندىٰ منه الجبيني
انعايش الواقع على قدر الامكان
والّا علىٰ الماضي يلجَّ الحنيني
______________
14
من يترك الواقع وينساهـ بطران
بطران مالل واقع المستكيني
تارك شريك العمر مضلوم نعسان
وملليت صوت القايله يا ضنيني
غلطان يا شارد على الوهم غلطان
تبحث عن الواقع بمصنوع صيني
خلّك مع الواقع بلا نتّ وادمان
وعايش فعال الواقع المستبيني
لاترتهق وتعيش سهرات وجنان
وتترك وليفك بين دمع وْ حنيني
______________
15
يالشاردي دنيـا الفـنا شانها شان
لا باح منك الـسدّ .. باح الكنيني
حالك يقول انك من الحب ولهان
ايشوفها غيري وانا اتشوف عيني
اللي يعاني من صدوداً وهجران
يقضي ليالي طرف عينه حزيني
______________
16
يالله وانا طالبك يا وال الاحسان
ترفق بحاله يوم باح .. الكنيني
يقول عيني عافت النوم سهران
يقول عيني عافت النوم سهران
تايه ولا ادري عن امرٍ يجيني
العلم يابن الشاردي واضح وبان
العلم يابن الشاردي واضح وبان
دامك وصلت لحالة التايهيني
هذا الهوى ما فيه شكٍ وبهتان
والله على سهر الليالي يعيني
#فاقده_غالي
______________
17
#فاقده_غالي
______________
17
ما عندك ازهيمر ولا فيك نسيان
ما غير خايف وقعتك بالكميني
احذر تحصن وأقرأ طـٰه والانسان
وايضا اذكر الاوراد في كل حيني
بعطيك رموز وانته لها حيل فهمان
بخبرتي من ما مضى من سنيني
______________
18
الواقع ان محزمك بالشعر مليان
قرم و ليا جت للمواقف عويني
والمبكي انّي خابرك شخص بطران
وش بك عسى ما شر يا بعد عيني
ما لك سوا دعوة قديرٍ و منّـان
ملاذ من جارت عليه السنيني
هذا كلامي واستمع فيه بإذعان
ويا الله تشفيهم .. و لا تبتليني!!
______________
19
تعبان من فرقى المحبين تعبان
ومالي صبر أقوى على افراق حبي
سنْتين قلبي ينوح ويصيح ولهان
أبداً وخلّي ما درى شو فـ قلبي
______________
تقبلوا تحياتي